خەونەکەی  تۆ

وەک  گیانی  کاکەشین پاک،
وەک  هەڵگورد  بەرزە

هەڤاڵی  هێژا[i]

خۆزگەکەی تۆ،  خەونەکەی تۆ

گیانێکە

گولە نایبینێ و  مەرگ  ناناسێ

هیوایێکە

ماندونابێ و  خەوناناسێ

بەڵێ  هەڤاڵ،  ئەم  ئاواتە

هەناسەی  گەل،  گیانی  نەتەوە

 باڵای جوانی  ئازادییە ..

ئەم  خۆزگەیە  

بڕوایێکەو  تیئۆرێکە

هیوای بەرزی  کوردایەتییە ..

ئەم  خۆزگەیە  

بڕوایێکەو  تیئۆرێکە

سپیتر  لەبەفر

پیرۆزتر  لەپەیامە ئاسمانیەکان

ڕەنگینتر  لەکۆلکەزێىینە

بەڵێ  هەڤاڵ، 

خەونەکەی  تۆ

بوکێکی  شەنگ و  تەرزە

وەک  داربەڕوو چڕ

وەک  گیانی  کاکەشین[i]  پاک

وەک  هەڵگورد  بەرزە

                   ******

                                                                هەولێر  1988