دیموکراتیزهکردن له باشوری کوردستاندا: ئیفلیجکردن و لهباربردنی ههنگاوه بهراییهکان
شاخهوان شۆڕش
مای 2009
ئهوسا نهمانی دهسهڵاتی عهرهبی داگیرکهر دوو جۆر گۆڕانی دهگرته خۆی، یهکهم ڕزگاری نهتهوه و نیشتیمان لهژێر چنگی داگیرکهر و بێگانه، بهمجۆره گۆران له دهسهڵاتی ناسیونالیستی تووندرهو و داگیرکهری عهرهبی بۆ دهسهڵاتی ناسیونالیستی خۆماڵی کوردی. دووهم گۆران له سیستهم و بهڕێوهبردنی رامیاری عهرهبی بۆ سیستهمێکی دیکهی ڕامیاری و بهرێوهبردنی کوردی. (درێژەی زیاتر…)
لهیادی 26 سالهی کۆچی دوایی قادر شۆڕشدا: چهند وشهیهک بۆ تێکۆشهرێکی لهبیرکراو
شاخهوان شۆڕش
11ی ژونی 2009
قادر شۆڕش له ساڵی 1924 دا لهگوندی قهراسنج بۆ یهکهمجار چاوی به سروشتی جوانی خۆشناوهتی و بناری سهفین ههڵێنا. دوای گهشتێکی دوورودرێژی سهرکهشانه که تهژی بوو له برسیهتی و نهبوونی، جۆتیاری و کرێکاری، سهربازی و فهرمانبهری، دهربهدهری و دوورهوڵاتی، زیندانیبوون، ناکۆکی و ململانێی ناوخۆیی، دووری لهمالومنداڵ و کهسوکار، پێشمهرگایهتی و خهباتی بێپسانهوهی کوردایهتی، لهئاقاری ئاریانه زۆر دوورنا لهگوندی قهراسنج، لهباوهشی سروشتی جوانی خۆشناوهتی لهژێر رهشماڵی ماڵه رهوهندێک له 11ی ژونی ساڵی 1983 دا بۆ دواجار چاوی لێکنا. (درێژەی زیاتر…)
دیموکراتیزهکردن چی دهگهیهنێت؟
شاخهوان شۆڕش
14ی مای 2009
لهم قۆناغهدا دامودهزگا، دامهزراو و سترهکتوری نادیموکراسی ههلدهوهشێندرێنهوه و بهها نادیموکراسیهکان لادهبردرێن، لهجێگهی ئهوانهدا دامودهزگا، دامهزراو، سترهکتوری دیموکراسی و بهها دیموکراسیهکان دادهمهزرێندرێت و پشتگیریان دهکرێت. له کۆتایی قۆناغی گواستنهوهدا چاوهروان دهکرێت دهستوری نوێ پهسند کرابێ، دهزگا و دامهزراوه دیموکراسیهکان کهوتبنهگهر. ههروهها پارت و ئێلیتی رامیار توانیبێتیان مهنتالی بیرکردنهوه، میتۆدی کار و کارگهی رامیاریان لهگهڵ نۆرمه دیموکرسیهکاندا گونجاندبێ (درێژەی زیاتر…)
خهتهنهکردن له باشوری کوردستاندا: کارهساتێک لهژێر چاوپۆشی دهسهڵاتدا
شاخهوان شۆڕش
دیاردهی خهتهنهکردن
خهتهنهکردن لێکردنهوه و فرێدانی ئهم بهشانهی ئهندامی سێکسوالی مێینهیه که له لایهن بیروباوهری دیارکراوهوه لهبهر هۆکاری جودا ئارهزوو ناکرێن و به پهسند داناندرێن. واته خهتهنهکردن کردهیهکه بۆ بهدیهێنانی مهبهستێکی دیاریکراوی جۆره دید و بروایهک ئهنجام دهدرێت، که پێی وایه لهم ڕێگهیهوه دهکرێ ئامانجێکی دیاریکراو بهێنرێتهدی. (درێژەی زیاتر…)
تێکدانی گهرهک و شوێنهواره کۆنهکانی ههولێر تاوانه بهرامبهر بهم شاره و خهڵکهکهی دهکرێت
شاخهوان شۆڕش
3 ی ژانیوهری 2009
له چوارچێوهی پلانێکی بهرفراواندا که ناوی ماستهرپلانی لێنراوه، وادیاره پلان ههیه گهرهکه کۆنهکانی شاری ههولێر ئهوانهی دهوروبهری پیره قهرات ورده ورده تێک بدرێن، پلان ههیه بازاری قهیسهری، گهرهکی خانهقا، دهرارخانه، گهرهکی تهحجیل و عهرهب و شوێنی دیکه تێک بدرێن. (درێژەی زیاتر…)
ونبوونی فرۆکهوانی تاوانبار: سکهندالێکی دیکهی دهسهڵاتی ئیفلیجی نانهتهوهیی
شاخهوان شۆڕش
30 دیسهمبهری 2008
دادگای باڵای تاوانهکانی ئێراق که تێرمه ئێراقی و عهرهبیهکان بهسهریدا زاڵن، ناسهربهخۆ و لایهنگیره و بۆ کورد ناگونجاوه، بهخێراخۆی ههواڵی راکردنی فرۆکهوانی جهنگی تاریق محهمهد رهمهزانی له یهکهم دانیشتنی دادگایی خۆیدا لهمهڕ تاوانی کیمیابارانی ههلهبجه له 21ی دیسهمبهری 2008 دا ڕاگهیاند. (درێژەی زیاتر…)
بهبێ بوونی ئازادی ژن، تووندوتیژی دژبه ژنان چارهسهر ناکرێت
شاخهوان شۆڕش
14.12.2008
لهماوهی رابردوودا ههلمهتی بهرهورووبوونهوهی توندوتیژی له لایهن دهسهڵاتی ههرێمی کوردستان ڕاگهیهندراوه و له کهنالهکانی راگهیاندن، له کۆر و کۆبوونهوهکاندا که بۆ ئهم مهبهسته سازکران جهخت لهسهر نههێشتنی تووندوتیژی دژ به ژنان کرایهوه و دهکرێتهوه. (درێژەی زیاتر…)
کورد و رێکهوتنی نێوان ئهمهریکا و ئێراق
شاخهوان شۆڕش
4.12.208
ماوهیهکی زۆره مشتومڕ له نێوان لایهنه ئێراقیهکان و ئهمهریکا لهسهر ئهگهری مانهوه و دهرچوونی هێزهکانی ئهمهریکا له ئێراق دهکرێت. ئێستا ڕێکهوتنهکه لهلایهن پهرلهمانی ئێراقی به زۆرینهی دهنگهکان پهسند کراوه و بڕیاره دوای شهش مانگی دیکه گشتپرسی لهسهر بکرێت. (درێژەی زیاتر…)
پهسندکردنی بڕیاری فرهژنی بهرههمی بههێزیی رهوتی کۆنهپارێزییه له باشوری کوردستاندا
شاخهوان شۆڕش
12.11.2008
له رۆژی 27.10.2008 دا زۆرینهی ئهندامانی پارلهمانی کوردستان دهنگیان بۆ بڕیاری فرهژنی دا. له دهنگدانهکهدا 39 ئهندام دهنگیان به ئا دا و 35 دهنگیان به نا دا. پهسندکردنی بڕیاری فرهژنی بێگومان پاشهکشهیه به دهنگهکانی کرانهوه و پێشکهتووخوازی له باشوری کوردستاندا، بۆیه پێویست دهکات ههروهستهیهکی کورت لهسهر باکگراوندی ئهو بڕیاره بکهین. (درێژەی زیاتر…)